廣州話（口語）譯作書面用語練習參考答案（一）
A「而家啲天氣唔冷唔熱，係旅行的好季節，同你哋傾吓旅行計劃好唔好呀？」
A「現在的天氣不冷不熱，是旅行的好季節，跟你們談談旅行計劃可以嗎？」
B「好呀！老師，我哋準備去邊度呀？」
B「好呀！老師，我們準備去哪裏呢？」
A「小明，你有冇心水嘅地方呢？」
A「小明，你有沒有合意的地方呢？」
B「有！我先嗰排去過布袋澳，風好大，最啱放風箏。」
B「有！我最近去過布袋澳，風很大，最適宜放風箏。」
A「唔幾好！有冇人反對，冇就咁決定。」
A「唔不錯！有沒有人反對，沒有的話就此決定。」
廣州話（口語）譯作書面用語練習參考答案（二）
母：「你成日躝街，書又唔讀，真係冇釐搭霎。」
母：「你整天流連街頭，書又不唸，真的沒有分寸。」
女：「我去咗同學屋企打機。」
女：「我去了同學家裏玩電子遊戲機。」
母：「我冇你符，我講過啲嘢你總係冇耳性。」
母：「我拿你沒有辦法，我說過的話你總是一下子就忘了。」
女：「唔好嘈喧巴閉喇！」
女：「不要吵吵嚷嚷啦！」
母：「咁你以後就唔好夜麻麻先返嚟喇！」
母：「那你以後就不要深夜才回家啦！」
女：「我知喇！」
女：「我明白啦！」